Aðalfundur Halaleikhópsins 2026 verður haldinn miðvikudaginn 20. maí kl. 20:00 í Halanum Hátúni 12
Dagskrá aðalfundar:
- Kosning fundarstjóra og fundarritara.
- Inntaka nýrra félaga.
- Skýrsla stjórnar.
- Ársreikningar lagðir fram.
- Afgreiðsla tillagna sem borist hafa fundinum, svo sem lagabreytingar.
Stjórn leggur til eftirfarandi breytingar á lögum Halaleikhópsins:
Í 7. grein stendur: Reikningsárið er leikárið, frá 1. apríl til 31. mars.
Yrði eftir breytingu: Reikningsárið er almanaksárið.
Í 4. grein stendur: Skuldlausir félagsmenn hafa ókeypis aðgang að aðalsýningu ársins og njóta afsláttar af námskeiðum sem Halaleikhópurinn heldur.
Yrði eftir breytingu: Skuldlausir félagsmenn njóta afsláttar af námskeiðum sem Halaleikhópurinn heldur.
- Starfsemi næsta leikárs.
- Kosning stjórnarmanna, varamanna í stjórn og tveggja skoðunarmanna reikning.
- Önnur mál, þ. á m. ákvörðun um félagsgjald.
Kosningar:
Að þessu sinni þarf að kjósa um formann, ritara, varaformann til eins árs og tvo varamenn. Einnig þarf að kjósa tvo skoðunarmenn reikninga. Eru komin framboð í þessi embætti en stjórn hvetur félaga til að gefa kost á sér í þau störf sem þarf að kjósa um. Þannig geta félagsmenn fengið betri innsýn í starfsemina.
Einnig vekjum við athygli á því að einungis skuldlausir félagar geta kosið.
Nýir félagar og gestir velkomnir.