Á furðuslóðum 1995

Úr leikskrá:

Nú er að hefjast þriðja leikár Hala-leikhópsins. Þegar ákvarða skyldi verkefni var tvennt haft í huga: að virkja sem flesta af starfandi félögum og að hægt væri að sýna hluta sýningarinnar sem víðast.

Velunnarar félagsins hafa svo oft óskað eftir að fá „eitthvað frá Hala-leikhópnum”.

Ákveðið var því að sýna nú tvo einþáttunga, sem væru mislangir, mis mannfrekir, en hefðu þó eitthvað það sameiginlegt að þeir gengju sem heilsteypt sýning.

Fyrir valinu urðu þeir einþáttungar sem við sjáum hér: Á rúmsjó og Jóðlíf.

Þættirnir eiga það sameiginlegt að gerast á óvenjulegum stað; í móðurlífi og á skipbrotsmannafleka, auk þess sem fyndnin er aldrei langt undan.

Þrátt fyrir að enn hafi ekki verið ákveðið næsta verkefni má fastlega gera ráð fyrir fleiri skemmtilegum sýningum á vegum hópsins.