SJÖUNDÁ

Svartfugl Gunnars Gunnarssonar

Leikgerð Ágústa Skúladóttir, Þorgeir Tryggvason og leikhópurinn
Leikstjóri Ágústa Skúladóttir

Halaleikhópurinn er nú að vinna að uppsetningu á Sjöundá sem byggð er að sögu Gunnar Gunnarssonar Svartfugli. Æfingar hófust snemma í nóv. 2009 og stefnt er að frumsýningu fyrstu helgina í febrúar 2010.

17 leikarar taka þátt í uppfærslunni í ár. Auk þess taka nærri 15 aðrir þátt á ýmsan hátt. Ma. er lifandi tónlist og leikhljóð stór partur af sýningunni. Leikmyndadeild vinnur nú á fullu meðan leikarar fengu smá jólafrí. En við hefjum æfingar að fullu strax 4. jan.

Halaleikhópurinn þakkar ykkur samstarfið á liðnu ári og óskar ykkur farsældar á komandi ári

Hallærislegt KARAOKE partý

Lögð verður sérstök áhersla á að partýið verði hallærislegt en skemmtilegt.

Miðaverð: Frítt inn. En ótakmaðrar þolinmæði er krafist gagnvart söngvurum þeim er stíga á svið og flytja einhver lög eða annan gjörning. Engin ábyrgð er borin á andlegri heilsu þess er mætir. Halaleikhópurinn og ábyrgðarmenn þessa partýs afsala sér allri ábyrgð af skaða þeim er fólk getur hlotið við að hlusta á flutning söngvara í þessu partýi og munu ekki undir neinum kringumstæðum greiða sálfræðikostnað sem af þeim kann að hljótast. Einnig verður undir engum kringumstæðum slökkt á græjunum fyrr en að partýi loknu í kringum 01.00 eða 01.30.

Algengar spurningar sem hafa borist vegna þessa partýs.

Fyrir hverja er þetta partý? Þetta Partý er fyrir félaga í Halaleikhópnum og íbúa í Hátúni 12.

Mun Hanna Margrét detta fram af sviðinu þegar hún syngu sitt lag? Nei, Hanna mun ekki detta af sviðinu þar sem að sviðið verður á gólfinu og ekki fræðilegur möguleiki að detta fram af því.

Mun Gunsó klippa sig fyrir þennan atburð? Nei það mun Gunsó ekki gera, en hann mun örugglega reyta hár sitt og skegg ef einhver nær að syngja fallega í þessu Partýi.

Verða einhverjar veitingar þarna? Nei því miður verða engar veitingar þarna. En það er möguleiki að reyna að snýkja af Árna Sal einhverjar veitingar. En hann hinsvegar drekkur ekki áfengi og getur ekki borið mjög mikið þannig að við höfum ákveðið í samráði við Hönnu að það væri gaman ef þeir sem vilja og geta komi með eitthvað handa sér eða deili með öðrum. Heyrst hefur að hún ætli að koma með kex, osta og sultu.

Hverjir eiga að hugleiða að mæta ekki í þetta Partý? Þeir sem að höndla EKKI að hlusta á aðra syngja, sama hversu laglausir eða laglegir þeir eru. Hinsvegar eru til ýmsar leiðir til þess að forðast að hlusta á aðra syngja. T.d. er hægt að kaupa eyrnatappa og eyrnahlífar. EN svo eru sumir sem þurfa þess ekki. T.d. vitum við um nokkra einstaklinga sem hafa ræktað með sér þann eiginleika að loka eyrunum. Sérstaklega þeir sem eiga maka...

Mun Ágústa leikstjóri syngja eitt lag í þessu partýi eða flytja einhvern annan gjörning? Því miður höfum við engar heimildir fyrir því að hún geri það. En við skorum á alla sem eru á æfingum á Svartfugli eftir Gunnar Gunnarsson að skora á Ágústu að mæta og flytja eitt lag eða góðan gjörning.

Er Daníel... Hippi? Við höfum lagt í mikla rannsóknarvinnu vegna þessa og lítið orðið ágengt. Heimildir herma að það hafi sést til hans í sumar spila á gítar úti á túni milli Hátúns 12 og Hátúns 14, sem Hippar myndu einmitt gera... En hinsvegar höfum við ekki fengið þetta staðfest og munum ekki bera ábyrgð á því á nokkurn hátt að kalla hann Hippa. Enda sómamaður og auk þess að fara að leika Kapellán.

Er Þröstur góður söngvari? Þar sem það eru nokkrir Þrestir í Halanum þá vitum við ekki um hvern er verið að tala. En þar sem það er umtalað að Þrestir (fuglarnir) syngja fallega þá gerum við einnig ráð fyrir því að nafnar þeirra geri það.

Af hverju á þetta partý að vera hallærislegt? Vegna þess að við höfum þær óformlegu heimildir að það sé í tísku. Svona Prét-a-porter. Síðan hafa Karókí partý alltaf verið pínu halló. Svo hér á við sú gamla enska speki: ,,If you can´t beat them, join them.
您私生子 ? Því miður kunnum við ekki kínversku... En ef einhver vill túlka þá endilega sendið okkur ekki svarið heldur haldið því fyrir ykkur sjálf.

Með kærri kveðju og von um að sjá sem flesta.

Árni Sal og Stebba hasarskutla.
Ábyrgðarmenn áðurnefnds partýs.

Halaleikhópurinn tekst á við Svartfugl

Miðvikudaginn 4. nóv. s.l. hófust æfingar á Svartfugli eftir Gunnar Gunnarsson í leikstjórn Ágústu Skúladóttur. Hún er okkur að góðu kunn og er nú að vinna að splunkunýrri leikgerð að Svarfugli og hefur fengið Þorgeir Tryggvason sér til aðstoðar við það.

Stór hópur Halafélaga mætti og var góður hugur í fólki. Ýmislegt kom á óvart þegar Ágústa og Toggi kynntu verkefnið og ljóst er að allir geta verið með sem vilja, mikið verður af hljóðeffektum og lifandi tónlist.

Spennandi verður að fylgjast með framvindunni næstu daga og enn er tækifæri til að vera með.

Næstu æfingar verða fimmtudagskvöld kl. 19.00 til 21.30, og laugardag og sunnudag kl. 14.00 til 17.00.

Upptalningin á hlutverkum gæti verið endalaus enda eru handtökin við að setja upp leiksýningu ansi mörg og því miklivægt að allir sem vettlingi geta valdið komi að verkefninu.

Launin eru svo tóm gleði og ánægja við að vinna saman að skemmtilegu verki ekki veitir af á þessum tímum. Við ætlum sem sagt að segja skammdeginu og kreppunni stríð á hendur og halda áfram hinu kröftuga starfi sem hefur verið í Halanum í vor og haust full af gleði.

Nýir félagar hjartanlega velkomnir.

Svartfugl

4. nóv. kl. 20.00

Miðvikudaginn 4. nóv. n.k. kl. 20.00 er komið að langþráðum tímapunkti á þessum vetri þegar við hefjum vinnu við stór verkefni vetrarins, Svartfugl eftir Gunnar Gunnarson í leikstjórn Ágústu Skúladóttur. Hún er okkur að góðu kunn og er nú að vinna að splunkunýrri leikgerð að Svarfugli og hefur fengið Þorgeir Tryggvason sér til aðstoðar við það.

Ætlunin er að hittast og heyra hvernig Ágústa ætar að haga leiktímabilinu. Hún vill að allir sem hafa áhuga á að taka þátt í verkinu komi þetta kvöld, bæði leikara og annað starfsfólk leikhússins, leikmyndasmiðir, búningahönnuðir , ljósa og hljóðmenn og bara allir sem hafa áhuga á að taka þátt.

Upptalningin gæti verið endalaus enda eru handtökin við þetta ansi mörg og því miklivægt að allir sem vettlingi geta valdið komi að verkefninu. Launin eru svo tóm gleði og ánægja við að vinna saman að skemmtilegu verki ekki veitir af á þessum tímum. Við ætlum sem sagt að segja skammdeginu og kreppunni stríð á hendur og halda áfram hinu kröftuga starfi sem hefur verið í Halanum í vor og haust full af gleði.

Boðið verður uppá kaffi og vöfflur og nýjir félagar hjartanlega velkomnir.

Ekki er verra ef fólk er búið að lesa söguna áður. Einnig má geta þess að hægt er að hlusta á Svartfugl á vef ríkisútvarpsins þar sem höfundur les söguna sjálfur 1956.

Haustleikur 2009

Haustleikar Halaleikhópsins verða haldnir laugardaginn 17. okt. kl. 20.00 og sunnudaginn 18. okt. kl. 17.00.

Sýnd verða fjögur íslensk stuttverk og flutt tónlistaratriði milli atriða. Tveir félaga Árni Salomonsson og Gunnar Gunnarson, Gunsó leikstýra.

Í hléinu verða seldar vöfflur, kaffi og gos.

Miðaverð er 1000 kr.
Miðasala er í síma 862-4276 og á This email address is being protected from spambots. You need JavaScript enabled to view it.

Margt smátt

Stuttverkahátíðin Margt smátt verður haldin af BÍL og Meginfelag áhugaleikara í Føroya laugardaginn 10. okt. nk. í félagsheimili Seltjarnarness. Halaleikhópurinn hefur verið virkur þátttakandi í starfi BÍL og mun flytja einn leikþátt þar. Hærra minn guð til þín eftir Ylfu Mist Helgadóttur í leikstjórn Gunnars Gunnarssonar, Gunsó.

18 verk verða sýnd á hátíðinni 5 frá Færeyjum og 13 frá Íslandi. Sigrún Valbergsdóttir mun að lokum fjalla um sýningar hátíðarinnar. Um kvöldið verður svo leikfélagapartý þar sem áhugaleikfélaga á Íslandi og Færeyjum koma saman og skemmta sér

Meginfelag áhugaleikara Føroya

Leikfélag Kópavogs

Spott eftir Hörð Skúla Daníelsson, leikstjóri Hörður Skúli Daníelsson

Halaleikhópurinn

Hærra minn guð til þín eftir Ylfu Mist Helgadóttur, leikstjóri Gunnar Gunnarsson

Leikfélag Hafnarfjarðar

Það er góða veðrið eftir Lárus Húnfjörð, leikstjóri Ingvar Bjarnason
Svefnþula eftir Samuel Beckett, leikstjóri Lárus Húnfjörð
Broskallinn eftir Lárus Húnfjörð, leikstjóri Ingvar Bjarnason

Hugleikur

Sigurverarinn eftir Sigríði Láru Sigurjónsdóttur, leikstjóri Júlía Hannam
Notaleg kvöldstund eftir Þórunni Guðmundsdóttur, leikstjóri Ásta Gísladóttir
Englar í snjónum eftir Unni Guttormsdóttur, leikstjóri Sigrún Óskarsdóttir
Bara bíða eftir Júlíu Hannam, leikstjóri Júlía Hannam
Ári síðar eftir Árna Friðriksson, leikstjóri Hjörvar Pétursson
Ár og öld eftir Þórunni Guðmundsdóttur, leikstjóri Þorgeir Tryggvason

Leikfélag Mosfellssveitar

Ástin er hverful eftir Maríu Guðmundsdóttir, leikstjóri Ólöf Þórðardóttir

Leikfélag Selfoss

Góðar stundir eftir F. Ella Hafliðason, leikstjóri Maríanna Ósk Sigfúsdóttir

Hauststarfið

Félagsfundur

Dagskrá:

• Kaffileikhús í október
• Fjármál.
  (Hvernig er hægt að fá fjármagn til reksturs Halaleikhópsins, allar tillögur vel þegnar)
• Önnur mál

Kaffiveitingar

Nú fer hauststarfið að hefjast hjá okkur.

18. júlí sl. var Haladagur í Krika, þar hittust félagar og skemmtu sér vel í einmuna blíðviðri við leiklestur, grill og glens. Metþátttaka varð eða 42 sem var bara gaman. Mikið var rætt um hversu vel lukkað Kaffileikhúsið var í vor og ekki skemmdi fyrir að útkoman fjárhagslega var einnig mjög góð fyrir leikhópinn. Því hefur verið ákveðið að endurtaka leikinn og halda aftur Kaffileikhús nú í haust. Áætluð dagsetning er 17. – 18. okt. nk. Þegar eru tveir félagar búnir að gefa kost á sér til að leikstýra sinn hvoru stuttverkinu og leikarar farnir að tilkynna þátttöku þó ekki sé farið að auglýsa þetta.

Stjórn vill hvetja fleiri félaga til að spreyta sig á leikstjórn. Þetta er kjörið tækifæri til að stíga fyrstu skrefin í að við gerum allt sjálf og ná þannig niður kostnaði við rekstur leikfélagsins. Við stefnum að því að hafa 3 – 4 stuttverk og tónlistaratriði. Annars veltur þetta allt á þátttöku félagsmanna.

Okkur vantar sem sagt enn tvo leikstjóra, handrit helst íslensk og frumsamin J (nú er að draga uppúr skúffunum), framkvæmdastjóra, leikara, ljósamenn, tónlistarmenn gaman væri að stofna KAFFIHÚSABAND J hljóðmenn, fólk til að sjá um förðun, búninga, ljós, hljóð, leikmynd, ljósmyndara, kvikmyndatökumenn, klippara, góða videókameru, miðasölufólk, einhverja til að gera leikskrá og plakat, kynningaraðila, smiði, málara, bakara, hvíslara, einhverja til að sjá um kaffiveitingarnar og sjoppuna, einhvern til að sjá um þrif, að raða í salinn og skreyta hann, aðstoðarfólk af ýmsu tagi.

Upptalningin gæti verið endalaus enda eru handtökin við að þetta ansi mörg og því mikilvægt að allir sem vettlingi geti valdið komi að verkefninu. Launin eru svo tóm gleði og ánægja við að vinna saman að skemmtilegu verki ekki veitir af á þessum tímum. Við ætlum sem sagt að segja skammdeginu og kreppunni stríð á hendur og hefja vinnusaman vetur í Halanum, fullann af gleði.

Strax í byrjun nóvember hefjast æfingar á Svartfugli eftir Gunnar Gunnarson í nýrri leikgerð og leikstjórn Ágústu Skúladóttur. Stefnt að frumsýningu um mánaðarmótin jan. – feb. 2010. Nánar auglýst síðar. Geta má þess að hægt er að hlusta á Svartfugl á vef ríkisútvarpsins http://ruv.is/podcast/ þar sem Gunnar les söguna sjálfur1956.

Haladagur í Krika

Veðurblíðan lék við Halafélaga þann 18. júlí sl. þegar hinn árlegi Haladagur var í Krika við Elliðavatn. Metaðsókn var og mikið stuð. Félagar skemmtu sér við leiklestur, tónlist og spjall í góða veðrinu. Síðdegis var svo slegið upp í grillveislu.

Haladagur í Krika

Haladagur verður laugardaginn 18. júlí í Krika við Elliðavatn frá kl. 14.00 og fram eftir nóttu ef svo ber undir. Dagskrá verður mjög óformleg nema einhver leikstjóri stigi á svið og stjórni okkur, hver veit. Hugmyndin er að koma saman til að hittast og hafa gaman hvort að öðru. Á staðnum verða einhver handrit og söngblöð. Ef þið lumið á skúffuhandritum þá er þetta kjörið tækifæri til að láta leik lesa þau. Hver veit hvað úr því verður. Allir leikir, glens og grín eru sérlega velkomnir. Ekki er verra ef fólk mætir í búningum með hljóðfæri :-)

Hugsunin er svo að tendra grillið seinni partinn. Þeir sem vilja koma með á grillið og grilla sjálfir, einnig verður hægt að kaupa sér pylsu og pylsubrauð á staðnum til að grilla. Í Krika er selt gos, kaffi, íspinnar, pylsur og sitthvað fleira, en velkomið er líka að taka með sér drykki og söngolíu. Flugdrekar, sápukúlur og hvert annað skemmtiefni velkomið og annað það sem hægt er að skemmta sér og öðrum við. Það er ekki posi í Krika.

Endilega fjölmennið og leyfið leiknum að sleppa lausum hala. Kriki er sumarhús sem Sjálfsbjörg á höfuðborgarsvæðinu á og stendur við Elliðavatn. Það stendur við Elliðahvammsveg. Þegar keyrt er upp Breiðholtsbrautina er farið fram hjá Fellahverfinu og áfram og beygt inn á Vatnsendaveg hjá Hestar og menn,þar er keyrt eftir honum eins og hann liggur í hlykkjum og þegar komið er að hringtorgi no. 3, þessu með stuðlabergssteinunum er beygt þar sem stendur Elliðahvammur. Sá vegur er keyrður eins langt og malbikið nær og aðeins lengra, þá birtist hvítt hús með sólpalli í kring. Þá ertu komin í Krikann. Strætó nr. 28 stoppar við hringtorgið, það er um 700 m. labb þaðan.

Á www.kriki.bloggar.is má sjá nánari leiðarlýsingu og ýmislegt um Krika. Allir velkomnir og takið með ykkur gesti.

8. júní 2009

Ný stjórn var kosin á aðalfundi 28. maí sl. hana skipa: Ása Hildur Guðjónsdóttir formaður, Höskuldur Höskuldsson varaformaður, Kristín M. Bjarnadóttir gjaldkeri, Anna Sigurðardóttir ritari, Stefanía Björk Björnsdóttir meðstjórnandi. Í varastjórn eru: Guðríður Ólafsdóttir, Elísa Ósk Halldórsdóttir og Einar Andrésson.

18. júlí verður Haladagur í Krika. Óljóst er hvort við gerum eitthvað í haust, það ræðast af fjárhag og dugnaði félagsmanna. Allar hugmyndir eru vel þegnar.

Í nóvember hefjast æfingar á Svartfugli eftir Gunnar Gunnarson í nýrri leikgerð og leikstjórn Ágústu Skúladóttur. Geta má þess að hægt er að hlusta á Svartfugl á vef ríkisútvarpsins http://ruv.is/podcast/

Innheimta félagsgjalda:

Á aðalfundi Halaleikhópsins 28. maí sl. var samþykkt að hafa árgjaldið óbreytt 1800 kr. og hafa sama fyrirkomulag og á síðasta ári. Þe. að senda út greiðsluseðla 1. ágúst nk. Ákveðið var jafnframt að veita 300 kr. afslátt til þeirra sem greiða fyrir þann tíma. Sem sagt ef þú greiðir með því að millifæra fyrir 1. ágúst er árgjaldið 1500 kr. Reiknisnúmer okkar er 1175- 26 – 9976 og kennitalan 421192-2279. Vinsamlega setjið ykkar kennitölu í skýringareitinn.

Kaffileikhús - Aukasýning

Líf og fjör hefur verið í Halanum undanfarnar vikur. Innanfélagsmenn hafa tekið höndum saman og æft stíft, bæði stuttverk og tónlist. Nokkrar húsmæður tóku sig til og gerðu helling af brauðtertum, skúffukökum og kleinum.

Sem rann ljúft í gesti Kaffileikhússins 21. maí sl. Sýnd voru þrjú stuttverk:

Miðvikudagur í Helvíti, eftir Ármann Guðmundsson, leikstjóri Gunnar Gunnarsson, Gunsó

Bara Tjilla, eftir Jónínu Leósdóttur, leikstjóri Gunnar Gunnarsson, Gunsó

Einleikur fyrir höfund og leikara, eftir Benóný Ægisson, leikstjóri Gunnar Gunnarsson, Gunsó

HJÓLASTÓLASVEITIN flutti nýtt rúllandi uppistand sem þau kalla KÓKOSBOLLU HÓ Ó PÓNÓ,
leikstjóri Ágústa Skúladóttir

Fjórar hljómsveitir fluttu okkur tónlist:

Nafla - Jón, Lister, og Tobias og Daníel og Dúó Gísla blikk

Það var uppselt og fólk varð frá að hverfa á fimmtudaginn 21. maí, svo ákveðið hefur verið að skella upp aukasýningu á annan í Hvítasunnu 1. júní kl. 17.00

Miðaverð er aðeins 1000 kr. kaffi og kökur innifalin.
Léttir drykkir verða seldir í sjoppunni.

Miðasala í síma 862-4276 Ath. að vissara er að panta miða.

Aðalfundur

Dagskrá aðalfundar skv. lögum félagsins:

1. Kosning fundarstjóra og fundarritara.
2. Inntaka nýrra félaga.
3. Skýrsla stjórnar.
4. Afgreiddir endurskoðaðir reikningar félagsins.
5. Afgreiðsla tillagna sem borist hafa fundinum, svo sem lagabreytingar.
6. Starfsemi næsta leikárs.
7. Kosning stjórnar, varastjórnar, tveir skoðunarmenn reikninga.
8. Önnur mál

Ath. aðeins skuldlausir félagar hafa atkvæðisrétt á aðalfundi.

Núverandi stjórn :

Formaður: Ása Hildur Guðjónsdóttir kosin til tveggja ára 2008,
Varaformaður: Höskuldur Höskuldsson kosinn til eins árs 2008, gefur kost á sér áfram.
Gjaldkeri: Kristín R. Magnúsdóttir kosin til tveggja ára 2007, gefur ekki kost á sér áfram.
Ritari: Kristín M. Bjarnadóttir kosin til tveggja ára 2008, gefur kost á sér til gjaldkera.
Meðstjórnandi: Stefanía B. Björnsdóttir kosin til tveggja ára 2008.

Varamaður 1: Guðríður Ólafsdóttir kosin til tveggja ára 2008.
Varamaður 2: Einar Andrésson kosinn til eins árs 2008.
Varamaður 3: Magnús Addi Ólafsson kosinn til eins árs 2008. Gefur ekki kost á sér áfram.

Skoðunarmenn reikninga:

Grétar Pétur Geirsson kosinn til tveggja ára 2007, gefur kost á sér áfram
Ragnar Gunnar Þórhallsson kosinn til tveggja ára 2007, gefur ekki kost á sér áfram.

Því er auglýst eftir framboðum í eftirfarandi embætti:

Varaformann til tveggja ára. Höskuldur Höskuldsson gefur kost á sér áfram.
Gjaldkera til tveggja ára. Kristín M. Bjarnadóttir gefur kost á sér.
Ritara til eins árs. Þ.e. ef Kristín M. Bjarnadóttir verður kosin sem gjaldkeri.
Varamann til eins árs
Varamann til eins árs.

Skoðunarmann reikninga til tveggja ára, Grétar Pétur Geirsson gefur kost á sér áfram.
Skoðunarmann reikninga til tveggja ára, Kristín R. Magnúsdóttir gefur kost á sér.

Skv. lögum félagsins geta allir fullgildir félagsmenn gefið kost á sér í þessi embætti á fundinum.
Nú er kjörið tækifæri fyrir nýtt fólk að gefa kost á sér í stjórn.

Enn vantar sem sagt framboð til ritara og tvo varamenn í stjórn.

Lög félagsins má finna á vefnum okkar www.halaleikhopurinn.is/log.htm

Kaffileikhús

Líf og fjör hefur verið í Halanum undanfarnar vikur. Innanfélagsmenn hafa tekið höndum saman og æft stíft, bæði stuttverk og tónlist. Nokkrar húsmæður eru í startholum í bakstri og allt að verða tilbúið.

Sýnd verða þrjú stuttverk:

Miðvikudagur í Helvíti, eftir Ármann Guðmundsson, leikstjóri Gunnar Gunnarsson, Gunsó

Bara Tjilla, eftir Jónínu Leósdóttur, leikstjóri Gunnar Gunnarsson, Gunsó

Einleikur fyrir höfund og leikara, eftir Benóný Ægisson, leikstjóri Gunnar Gunnarsson, Gunsó

HJÓLASTÓLASVEITIN mun flytja nýtt rúllandi uppistand sem þau kalla
KÓKOSBOLLU HÓ Ó PÓNÓ, leikstjóri Ágústa Skúladóttir

Fjórar hljómsveitir munu flytja okkur tónlist:

Nafla - Jón, Lister, og Tobias og Daníel og Dúó Gísla blikk

Miðaverð er aðeins 1000 kr. kaffi og kökur innifalin.
Léttir drykkir verða seldir í sjoppunni.

Miðasala í síma 862-4576

ÁLYKTUN frá aðalfundi BÍL

Aðalfundur Bandalags Íslenskra leikfélaga, haldinn að Hlíð í Ölfusi 1. maí 2009 samþykkti svohljóðandi ályktun.

Öflug og fjölbreytt starfsemi íslenskra áhugaleikfélaga er sú grasrót sem leiklistarlíf þjóðarinnar sækir næringu sína í. Mikilvægi starfseminnar fyrir blómlega menningu um landið allt verður ekki dregið í efa. Fólk á öllum aldri og úr öllum stéttum og stöðum þjóðfélagsins sækir í leiklistarstarfið farveg fyrir listræna hæfileika sína, vaxa að trú á eigin getu og finna á eigin skinni hvernig einbeitt vinna að sameiginlegu marki skilar árangri.

Á þessum miklu óvissutímum getur starfsemi af þessu tagi skipt sköpum.Aldrei hefur verið mikilvægara að efla

KAFFILEIKHÚS - Undirbúningur

Laugardaginn 18. apríl kl. 17.00 verður smá hittingur með þeim sem ætla að taka þátt í Kaffileikhúsinu og Margt smátt í Halanum.

Þá förum við yfir það sem komið er og leik-lesum nokkur stuttverk sem Gunsó hefur valið.
Enn er tækifæri fyrir ykkur til að koma ykkur á framfæri við alla verkþætti þess að halda Kaffileikhús. T.d. sem leikstjórar, handritshöfundar, leikarar, búninga - og leikmyndahönnuðir, ljósamenn, hljóðmenn, framkvæmdastjórar eða í raun í öll hlutverk sem þarf við að koma Kaffileikhúsi á laggirnar

Á laugardaginn ræðst það svo af ykkur félagar góðir hvort af þessu verður eða ekki. Fáir hafa enn sem er gefið formlega kost á sér en þó er Gunsó tilbúinn til að leikstýra, nokkrir leikarar hafa gefið kost á sér og vonandi leikskáld líka. Einar er með tónlistaratriði. Svo þetta smá týnist til.

Allir eru velkomnir

KAFFILEIKHÚS Í MAÍ

Gunsó í hlutverki Malvólíó í Sjeikspírs Karnivalinu

Strax á fundinum kom í ljós að einn félaganna langar að spreyta sig við leikstjórn, nokkrir vildu leika, tveir voru með handrit og fleiri vildu leggja lið á einn eða annan hátt.

Á fundinum var Gunnari Gunnarssyni, Gunsó, falið að halda utan um þetta.

Hugmyndin er að sýna kannski 3 stuttverk og hafa svo tónlistaratriði, uppistand, gjörning eða hvað annað sem félagar vilja koma á framfæri á milli. Byrjað verður að æfa á fullu strax eftir páska.

Þar sem við vitum að Halafélögum er ýmislegt til lista lagt þá auglýsum við nú eftir fleirum til að taka þátt.

Langar þig til að spreyta þig við ? :

Leikstjórn, áttu handrit sem kominn er tími til að viðra, langar þig til að leika, lýsa sýningu, vinna hljóðmynd, gera leikmynd, hanna búninga, vera fjölmiðlafulltrúi, sjá um miðasölu, baka kökur , sjá um kaffisölu, skipuleggja, koma salnum í réttan búning, finna props, gera veggspjöld og auglýsingar, vera ritari, hvísla, áttu tónlistaratriði sem þú vilt koma á framfæri, ljóð eða gjörning ? Eða eitthvað fleira sem við höfum gleymt að telja upp hér?

Endilega hafið samband sem fyrst við Gunsó eða Ásu Hildi, svo við vitum úr hverju við höfum að moða. Þau munu svo hafa samband við þá sem skrá sig til að ákveða nánari dagsetningar. En nú þarf að vinna hratt, það er ljóst.

Tengiliðir: Gunsó This email address is being protected from spambots. You need JavaScript enabled to view it. gsm 867-6603, eða Ása Hildur This email address is being protected from spambots. You need JavaScript enabled to view it., gsm 862-4276

SVARTFUGL

Á félagsfundinum var líka ákveðið að taka fyrir næsta vetur Svartfugl, eftir Gunnar Gunnarsson. Ágústa Skúladóttir leikstjóri mun gera eigin leikgerð við söguna og vinna hana út frá sögumanni.

Sögulegur bakgrunnur Svartfugls er eitthvert frægasta morðmál Íslandssögunnar, svokölluð Sjöundármorð. Í bókinni er dregin upp skörp mynd af íslensku samfélagi um aldamótin 1800, stéttskiptingu þess, blindri réttvísi kirkju, kóngs og embættismanna og harðneskjunni sem einkenndi aðstæður alþýðu manna.

Svartfugl hefur verið kölluð „fyrsta alvöru glæpasaga á Íslandi“ og hefur í sér alla þessa hefðbundnu glæpasögudrætti; dularfullt mannshvarf, morð, forboðna ást, „leynilöggu“ (prestinn í þessu tilviki) sem hefur ekki alveg hreina samvisku í eigin ástamálum og rotið réttarkerfi. Svartfugl er ástarsaga í aðra röndina og í henni er að finna hinn sígilda ástarþríhyrning og það fleiri en einn. Svartfugl er sannsöguleg þ.e. lýsir atburðum, sem áttu sér stað í raun og veru.

Ávarp Alþjóða leiklistardagsins, 27. mars 2009

Leiklistarsamband Íslands hefur ávallt fengið íslenskan leikhúslistamann til að semja sérstakt ávarp í tilefni Alþjóða leiklistardagsins. Hefur sú hefð skapast að það hafi verið flutt af höfundi í útvarpi þann dag, sem og af stóra sviði Þjóðleikhússins fyrir sýningu. Þá hafa leikhúslistamenn um allt land stigið fram fyrir tjald leikhúsa sinna og flutt ávarpið íslenska þetta kvöld. Ávarpið semur að þessu sinni Sigrún Edda Björnsdóttir leikkona.

Frá árinu 1962 hefur Alþjóða leiklistardagurinn verið haldinn hátíðlegur um allan heim. Þá hefur heimskunnur leikhúslistamaður verið fenginn til að semja ávarp í tilefni dagsins af Alþjóða leiklistarstofnuninni, ITI, sem hefur aðsetur í Unesco-byggingunni í París. Að þessu sinni er það brasilíski leikhúslistamaðurinn Augusto Boal sem semur alþjóðaávarpið í tilefni dagsins.

Ágætu leikhúsunnendur.

Hvers vegna viljum við hafa leikhús? Þetta furðulega fyrirbæri sem þó hefur fylgt manninum frá ómunatíð. Í dag, þann 27. mars er Alþjóða leiklistardagurinn. Hann er haldinn hátíðlegur um heim allan í þeim tilgangi að vekja athygli á leiklistinni og mikilvægi hennar í mannlegu samfélagi. Því er vert að staldra við og velta ofangreindri spurningu fyrir sér.

Það fallegasta sem sagt hefur verið um leiklistina og hægt er að taka undir af heilum hug er að löngun mannsins til að leika, sé sprottin af þörf hans til tengjast því sem býr innra með öllum mönnum, þessu innra ljósi sem við búum öll yfir og finnum svo sterkt fyrir. Það er vegna þessarar tengingar, þessarar samkenndar sem við getum skapað nýjan veruleika. Veruleika leikhússins. Fátt er eins dýrmætt fyrir leikara og að finna þessa tengingu og taka þátt í leiksýningu sem á erindi við áhorfandann og hreyfir við honum, hvort sem er í gleði eða sorg. Við mannfólkið erum þelið sem draumar spinnast úr, þessir dýrmætu draumar sem eru eins og gullþráður í því margbrotna mynstri sem tilvist okkar mótast af. Þessi þráður kemur fram í skáldskapnum, myndmálinu, tónlistinni og hreyfingunni. Ekkert er leiklistinni óviðkomandi. Hún á að endurspegla tilvist okkar, sameina upplifun okkar og stuðla að samkennd og skilningi meðal manna.

Í viðleitni sinni til að tjá og spegla veruleikann leitar leiklistin að mismunandi formum. Þess vegna er engin ein tegund leiklistar mikilvægari en önnur.

Til er gamanleikur, harmleikur, grímuleikur, látbragðsleikur, brúðuleikur, einleikur, trúðleikur. Götuleikhús, kaffileikhús, pólitískt leikhús, stofuleikhús, barnaleikhús, vasaleikhús, útileikhús, skuggaleikhús, lítið leikhús, stórt leikhús, útvarpsleikhús, meira að segja ósýnilegt leikhús. Og áhorfendur hafa dregist að leikhúsinu í gegnum aldirnar, alveg eins og þið gerið hér í kvöld. Hvers vegna? Jú, við viljum verða fyrir áhrifum. Við viljum hlæja saman, gráta saman, láta hreyfa við hugsunum okkar og hugmyndum. Og í síbreytilegum heimi þar sem hugmyndafræði og áherslur geta kollsteypst á einni nóttu, eins og við þekkjum svo vel einmitt nú, á leikhúsið brýnt erindi. Það er ekki síst á þannig tímum sem við höfum þörf fyrir leikhús og því ber leikhúsið mikla ábyrgð. Leiklist breytir kannski ekki heiminum en við getum öll verið sammála um að í leikhúsi búi leyndur sannleikur sem hjálpar okkur í þeirri viðleitni að skilja líf okkar og viljann til að búa til betri heim.

Sigrún Edda Björnsdóttir

Augusto Boal:

Allt mannlegt samfélag er sýning og við ákveðin tækifæri býr þetta samfélag til sýningar. Það er sýning í sjálfri samfélagsgerð sinni og býr til sýningar eins og þá sem þú ætlar að sjá hér í kvöld.

Jafnvel þótt við komum ekki auga á það, þá eru mannleg samskipti byggð upp eins og í (leik)sýningu. Rýmisnotkun, líkamstjáning, orðaval og tónfall, framsetning hugsana og tilfinninga – allt sem við höfumst að á leiksviðinu, gerum við jafnframt í daglegu lífi: Allt er leiksvið.

Félagsfundur

Fimmtudaginn 26. mars nk. kl. 20.00 verður félagsfundur í Halanum.

DAGSKRÁ:

• Kaffileikhús i vor
• Margt smátt 23. maí 2009
• Nýráðinn leikstjóri kynntur og hugmynd að verkefni fyrir næsta leikár.
• Framtíð Halaleikhópsins
• Kaffiveitingar

Ljósaveisla

Laugardaginn 28. mars frá kl. 16.00 og fram eftir kvöldi, eftir því sem áhugi er fyrir hendi. Mun Magnús Addi ljósameistari hafa opið hús þar sem hann kynnir fyrir félögum möguleika ljósaborðsins og tæknibúnaðar Halaleikhópsins.

Alltaf vantar tæknimenn og þetta er kjörið tækifæri til að fá að fikta í tökkunum og sjá hvort þetta er eitthvað sem ykkur finnst spennandi að vinna að með leikhópnum

Aðalfundur Halaleikhópsins 2009

Verður haldinn fimmtudaginn 28. maí. dagskrá hefðbundin aðalfundarstörf.

Í ár á að kjósa um varaformann, gjaldkera, tvo varamenn, og tvo skoðunarmenn reikninga. Nú er kjörið tækifæri fyrir nýtt fólk að gefa kost á sér í stjórn. Nánar auglýst síðar.

2. mars 2009

Leikstjóri ráðinn til að leikstýra Halaleikhópnum

leikárið 2009 - 2010

Ágústa Skúladóttir leikstjóri hefur verið ráðinn til að leikstýra leikstýra Halaleikhópnum leikárið 2009 til 2010. Verið er að leita að verki og ýmsar spennandi hugmyndir uppi.

Hér sést þegar Ása Hildur Guðjónsdóttir formaður handsalar samninginn við Ágústu.

Áætlað er að halda félagsfund seinnipartinn í mars þar sem hugmyndir verða reifaðar.

Ágústa er Halaleikhópnum vel kunnug, hún var með leiklistarnámskeið haustið 2007 sem nefndist Sólóstund leikarans.

Hún stjórnaði Kaffileikhúsi í tengslum við 15 ára afmæli Halaleikhópsins en uppúr því starfi varð Hjólastólasveitin til. En sú sveit starfar nú sjálfstætt og hefur gert garðinn frægan.

Ágústa Skúladóttir leikstjóri hefur unnið með einleikjaformið með góðum árángri og leikstýrði hún m.a. verðlaunaeinleikjunum Háaloft eftir Völu Þórsdóttur og Sellófón eftir Björk Jakobsdóttur. Hún var uppistandari í London fyrir nokkrum árum og leikstýrði hér heima
uppistands sýningunni 5.stelpur.com sem sýnd var í Austurbæjarbíó. Ágústa hefur leikstýrt fjölda sýninga og má þar nefna trúðasýningunni Dauði og Jarðaber með félagi Flóna; Grimms hjá leikfélagi Kópavogs sem valin var athyglisverðasta áhugasýning ársins 2002; Memento Mori hjá Hugleik og Leikfélagi Kópavogs sem var fulltrúi Íslands á alþjóðlegu leikslistarhátíð áhugaleikhúsa IATA sem haldin var Suður-Kóreu í ágúst á þessu ári; Klaufar og Kóngsdættur sem hlaut Grímuna sem besta barnasýning ársins 2005 og Eldhús eftir máli sem hlaut
menningarverðlaun DV árið 2006. Ágústa hefur haldið fjölda námskeiða víða um heim og hefur í fjögur sumur verið kennari við leiklistarskóla Bandalagsins í Svarfaðardal.

Fréttatilkynning:

Þann 31. janúar n.k. mun Halaleikhópurinn frumsýna leikritið Sjeikspírs Karnival í leikgerð Þrastar Guðbjartssonar, sem einnig leikstýrir sýningunni. Unnið upp úr þremur verkum Shakespears: ,Þrettándakvöldi, Draumi á Jónsmessunótt og Hinriki IV. Þetta er ærslafullur gamanleikur, sem gerist á einum degi í Illiríu á Karnivali hjá Orsínó greifa. Hann er dapur og því koma vinir hans og leika fyrir hann alls kyns gamanleiki, til að létta honum lífið. Við sögu koma margar af þekktustu gamanleikjapersónum Shakespears, eins og t.d. Malvólíó, Tóbías Búlki, Andrés Agahlýr o.fl.

Þetta er sem fyrr segir, eitt allsherjar grín frá upphafi til enda. 18 leikarar taka þátt í sýningunni og annar eins hópur stendur að baki þeim, við hin ýmsu störf. Halaleikhópurinn var stofnaður 27. september 1992 með það að markmiði að ,,iðka leiklist fyrir alla” og hefur starfað óslitið síðan.

Á þessum árum sem liðin eru frá stofnun Halaleikhópsins, hafa verið settar upp sýningar á hverju ári og stundum fleiri en ein og hafa þær jafnan vakið mikla athygli. Það má segja að Halaleikhópurinn hafi opnað nýja ,,vídd” í starfi leikhópa hér á landi, þar sem fengist er við leiklist á forsendum hvers og eins. Sýnt er í Halanum, Hátúni 12 105 Reykjavík. Nánari upplýsingar er að finna á vef Halaleikhópsins www.halaleikhopurinn.is

Ef þið skylduð hafa áhuga á að fá frekari upplýsingar jafnvel fá viðtöl þá er hægt að hafa samband við Þröst Guðbjartsson leikstjóra í síma: 862 - 4767

Stjórn Halaleikhópsins

Sjeikspírs Karnival

Sjeikspírs Karnival er leikgerð Þrastar Guðbjartssonar unnin upp úr þrem verkum Shakespears Þrettándakvöldi, Draumi á Jónsmessunótt og Hinriki IV. Þetta er ærslafullur gamanleikur sem gerist á einum degi í Illiríu á Karnivali hjá Orsínó greifa. Hann er dapur og því koma vinir hans og leika fyrir hann alls kyns gamanleiki til að létta honum lífið.

Við sögu koma margar af þekktustu gamanleikjapersónum Shakespears, eins og td. Malvólíó, Tóbías Búlka, Andrés Agahlýr ofl. Leikritið fjallar í stórum dráttum um ástir, vonbiðla, misskilning og hrekkjabrögð. Tvíburar piltur og stúlka verða viðskila í hafvillu og brotsjó, þeim er bjargað sitt í hvoru lagi, og telja því hvort annað dáið. Stúlkan, Víola villir á sér heimildir með því að klæðast karlmannsfötum og gerast sendiboði Orsínó hertoga. Hann sendir hana (hann) með bónorð til Ólivíu greifaynju, sem hann þráir að eiga, og í stuttu máli fara hjólin að sjúast og Víola (Sesaríó) lendir í einum alsherjar misskilning og leysist ekki úr honum fyrr en í lokaatriðinu þegar bróðir hannar birtist.

Þetta er sem fyrr segir eitt allsherjar grín frá upphafi til enda. 19 leikarar taka þátt í sýningunni, og annar eins hópur stendur að baki þeim, við hin ýmsu störf.

Halaleikhópurinn sendir ykkur sínar bestu óskir um Gleðileg jól og farsælt komandi ár.

Við þökkum samstarfið og hlýjuna á liðnu ári. Og hlökkum til að sjá ykkur á nýárinu í Halanum.

Við stefnum að frumsýningu á Sjeikspírs Karnivali í lok janúar. Leikgerð og leikstjórn Þröstur Guðbjartsson.