Haustið verður nýtt til að setja upp splunkunýtt íslenskt verk. Leikkonan, leikstjórinn og höfundurinn Ingunn Lára Kristjánsdóttir var fengin til að skrifa fyrir Halaleikhópinn. Áður en hún fór til starfa í Bretlandi í sumar kom hún til fundar við okkur í Halaleikhópnum og fékk að heyra hvað fólk hafði að segja. Hún hefur nú ásamt öðrum störfum (svo sem að sýna með eigin leikhópi á Edinborgarhátíðinni við góðann orðstýr) skrifað leikrit.

Leikverkið “Farið” sem leggur af stað þann fyrsta september með samlestri og áætluð sýning er þann 22 okt. Á farinu er ýmsar persónur að reyna að komast leiðar sinnar. Óljóst er hvert farið stefnir og hvað persónur þurfa að takast á við til að komast áfram. En líkt og lífið mjakast það áfram mishratt og misvel. Við lofum svörtum húmor.

Samlestrarplanið er þannig:

• Fimmtudag 8. sept. kl:  20:00
• Föstudag    9. sept. kl:  17:00
• Laugardag 10. sept. kl:  14:00

Ég vil hvetja sem flesta til að koma og kynna sér þetta bráðsnjalla leikrit sem er í sköpun og taka þátt í aðalsýningu ársins.

Bestu kveðjur
Margret Guttormsdóttir, leikstjóri.