Jónatan
Höfundur og leikstjóri: Edda V. Guðmundsdóttir
Frumsýnt 11. mars 2000
Reyndu að hysja þig upp og bíta báðum gómum í borð lífsins og hanga þar eða
F.T.F.= Fötlun til framdráttar
Um leikritið
Jónatan býr í Hátúni og er á leið þaðan og ætlar að fara að búa sjálfstætt. Er orðinn nokkuð hress eftir slys sem olli því að nú er hann í hjólastól og lamaður upp að mitti. Hann hefur verið lengi að ná þeirri heilsu sem hann býr nú að og hefur verið langt niðri, vonlaus og reiður og það var ekki fyrr en nýlega að aðeins tók að birta.
Hann fékk óvænt verkefni, en það var að þýða vissan málaflokk en hann er mikill tungumálamaður. Fram að þessu þótti honum hann einskis nýtur. En þetta verkefni vekur honum von, hann getur ennþá ýmislegt og þar með líklega spjarað sig í lífinu.
Leikritið fjallar um það hvernig Jónatan eina kvöldstund reynir að taka þátt í lífinu fyrir utan hvernig hann kemur sér á milli staða og hvað verður á vegi hans, hvað hann sér og hvað hann upplifir.
Persónur leikritsins eru húsandar sem mynda kór sem í raun segja söguna eða syngja hana, fara í hin ýmsu hlutverk og mynda leikhljóð.
Kórinn heldur með sínum manni og reynir oft að hafa vit fyrir honum, en við óvæntum uppákomum ruglast kórinn stundum í ríminu og veit ekki alveg hvoru megin hann stendur og verður jafnvel ekki viss hvert hann segir söguna eða er áhorfandi. Því hver er heilbrigður og hver ekki? Er það ytra byrðið eða það innra sem átt er við?
Sigríður Ósk Geirsdóttir, Árni Salomonsson, Ásdís Úlfarsdóttir og Guðný Alda Einarsdóttir í hlutverkum sínum
Leikrit með söngvum
Persónur og leikendur
Um leikstjórann
Edda V. Guðmundsdóttir leikstjóri útskrifaðist frá Leiklistarskóla Íslands árið 1977. Hún hefur síðan unnið með Alþýðuleikhúsinu, Leikfélagi Reykjavíkur og Leikfélagi Akureyrar. Einnig leikið í sjónvarpi og vídeómyndum og leikstýrt á ýmsum stöðum bæði út á landi og í Reykjavík.
Þetta er í fjórða sinn sem hún leikstýrir Halaleikhópnum en hún leikstýrði „Rómeó og Ingbjörg" eftir Þorstein Guðmundsson, „Allra meina bót" eftir Patrek og Pál, „Gullna hliðinu“ eftir Davíð Stefánsson og svo nú „Jónatan" en hún er einnig höfundur þess verks. Verkið samdi hún sérstaklega með Halaleikhópinn í huga.
Starfsmenn sýningarinnar
Eftirtöldum aðilum er þökkuð sérstök lipurð og einstök þjónusta við Halaleikhópinn:
Um lögin í sýningunni
Lögin í sýningunni eru gamalkunn lög eftir ýmsa höfunda svo sem Magnús Eiríksson og Jón Múla Árnason og eru þau flutt við undirleik hljómsveitarinnar en hinir ýmsu andar sjá mestan part um sönginn ýmist með aðstoð hljómsveitarinnar eða ekki.