Eftir Tom Griffin í þýðingu Odds Bjarna Þorkelssonar
Leikstjóri: Oddur Bjarni Þorkelsson
Sérlegur aðstoðarstrumpur Margrét Sverrisdóttir
Frumsýnt 25. jan. 2014
Þann 25. janúar frumsýnir Halaleikhópurinn leikrit eftir ameríska leikskáldið Tom Griffin sem heitir á frummálinu „The boys next door“, en í staðfærðri þýðingu nefnist „Sambýlingar“. Verkið fjallar um 4 menn sem eru misjafnlega staddir í andlegum þroska og búa saman í íbúð. Þeir sjá um sig að nokkru leyti sjálfir, en umsjónarmaðurinn Þór lítur til með þeim og sér um að allt gangi vel. Við fáum að fylgjast með þeim tækla hið daglega líf, sem getur reynst ansi snúið og niðurstaðan æði oft sprenghlægileg eða grátbrosleg. Rottuveiðar, partíhald og ástamál koma við sögu – og auðvitað er ekki hjá því komist að hið opinbera blandist í málin, þar sem að fatlaðir einstaklingar eiga aðild að málum.
Það er öruggt að heimsókn til sambýlinganna er verulega mannbætandi, enda ekki á hverjum degi sem fólki gefst færi á að gráta og hlæja í einu – og þeir hlakka til að taka á móti ykkur í Hátúninu.
Persónur og leikendur
| Arnaldur | Þröstur Jónsson |
| Baldur | Daníel Þórhallsson |
| Rúnar | Arnar Þorvarðarson |
| Lalli | Kristinn S. Axelsson |
| Þór umsjónarmaður | Gunnar Gunnarsson, Gunsó |
| Frú Fríða | Sóley Björk Axelsdóttir |
| Valgeir og Örn | Vilhjálmur Jón Guðjónsson |
| Sara | Úlfhildur Jóna Þórarinsdóttir |
| Frú Herdís | Margrét Eiríksdóttir |
| Klara | Silja Kjartansdóttir |
| Vala Steins Félagsmálastjóri | Stefanía Björk Björnsdóttir |
Um leikstjórana
Oddur Bjarni Þorkelsson og Margrét Sverrisdóttir eru Halameðlimum að góðu kunn. Þetta er í þriðja sinn sem þau vinna með leikhópnum, en fyrri stykkin tvö voru "Góðverkin kalla" og "Hassið hennar mömmu". Enn er róið á gamansöm mið en þó með dramatísku ívafi, eins og vera ber, - þannig eru bestu leikritin.
Margrét hefur undanfarin ár verið umsjónarmaður Stundarinnar okkar, og Oddur Bjarni hefur fengið að fljóta þar með sem handritshöfundur og sem bókavörðurinn Bragi. En bróðir Braga, Ægir, var einmitt leikinn af Árna Salomonssyni, Halameðlimi!
Um höfundinn
Tom Griffin hefur skrifað fjölmörg leikrit og hafa verk hans verið m.a. sýnd á Broadway og á London West End sem og víðs vegar um Evrópu, Asíu, Afríku og Ástralíu. Auk þess er hann þekktur fyrir að skrifa kvikmyndahandrit fyrir kunna kvikmyndaframleiðendur. Tom Griffin hefur hlotið fjölda viðurkenninga og verðlauna fyrir verk sín.
Leikritið Sambýlingarnir, sem Halaleikhópurinn tekur nú til sýningar undir leikstjórn þeirra Odds Bjarna Þorkelssonar og Margrétar Sverrisdóttur, hefur verið sviðsett á yfir 2000 stöðum í Bandaríkjunum og Kanada.
Aðrir sem koma að sýningunni á einn eða annan hátt:
| Ljósahönnuður | Benedikt Axelsson |
| Leikmynd, hljóð ofl. | Einar Andrésson |
| Keyrsla ljósa og hljóðs | Jónína Sigríður Grímsdóttir |
| Aðstoðarleikstjóri, búningar og props | Margrét Sverrisdóttir |
| Fjölmiðlafulltrúi | Unnur María Sólmundardóttir |
| Leikmunir | Ólöf Ingibjörg Davíðsdóttir |
| Hvíslarar á æfingum, leikmynd og leikmunir | Sóley B. Axelsdóttir og Stefanía Björk Björnsdóttir |
| Leikmynd og leikmunir | Frida Adriana Martins, Þröstur Jónsson, Rúnar Geir Björnsson og Þröstur Steinþórsson |
| Búningar, leikmynd og leikmunir | Hanna Margrét Kristleifsdóttir |
| Miðasala | Guðný Guðnadóttir, Anna Guðrún Sigurðardóttir, Guðríður Ólafsdóttir, Hrefna Líf og María Ósk Beck |
Myndagallerý
Sýnishorn úr sýningunni
Umfjöllun
„fallegt og vel uppsett verk sem enginn ætti að láta framhjá sér fara"
Hörður Skúli Daníelsson fjallar um sýninguna hér:
Strákapör sambýlinganna hjá Halaleikhópnum
Styrktaraðilar
