Gamalt og nýtt með kaffinu
Skemmtidagskrá með ljóðum og leikþætti
Frumsýnt 19. feb. 1994 
Leikþáttur:
"Ævintýri á gönguför í Þórsmörk" eftir Guðrúnu Ásmundsdóttur, með leikatriðum og söngvum úr "Ævintýri á gönguför" eftir Hostrup í leikstjórn Guðrúnar Ásmundsdóttur
Höfundur ljóða:
Kolbrún Dögg Kristjánsdóttir,
Oddný Óttarsdóttir
og Davíð Stefánsson frá Fagraskógi.
Verkstjórn og kynnir:
Guðmundur Magnússon.
Upphaf þessa verks var að Halaleikhópurinn hafði samband við Guðrúnu Ásmundsdóttur og réð hana til að vera með leiklistarverkefni til að hafa á boðstólnum vegna málþings um listsköpun fatlaðra í Gerðubergi 19. feb. 1994.
Fjölgaði nú töluvert virkum félögum og eru nú nær 20 leikendur í sýningunni "Ævintýri á gönguför í Þórsmörk" eftir Guðrúnu og leikhópurinn með leikatriði og söngvum úr 1. þætti "Ævintýris á gönguför" eftir Hostrup.
Það þarf varla að taka fram að 19. febrúar var hreint brjálað veður um morguninn þegar Halaleikhópurinn sýndi sitt! Það var komið hið fræga Halaveður, en það gerir næstum ávallt vitlaust veður þegar hópurinn frumsýnir.
Þar sem við eigum nú hið fallegasta leikhús þótti okkur synd að gefa ekki okkar dyggu áhorfendum tækifæri til að sjá þáttinn. Þátturinn er um 35. mín í flutningi, en með því að bæta við ljóðalestri og smá sprelli er komið heilt kvöld prógramm.
Ljóðalestur:
- Kolbrún Dögg Kristjánsdóttir les eigin frumsamin ljóð.
- Oddný Óttarsdóttir les eigin frumsamin ljóð.
- Ómar Bragi Walderhaug les ljóðið "Messalína" eftir Davíð Stefánsson frá Fagraskógi.
- Hulda Guðnadóttir og Jón Eiríksson flytja ljóðið "Karl faðir minn" eftir Jóhannes úr Kötlum
- Ingólfur Örn Birgisson flytur "Heilsukvæði" eftir ókunnan höfund
Leikendur og hlutverk þeirra:
Allir eru tré nema Hulda, sem er blóm, en auk þess er:
| Baldvin Jón Sigurðsson | Ebjæk, ímynd hins ástfangna |
| Elín Jónsdóttir | Silla, eiginkona Guðmundar |
| Guðbjörg Halla Björnsdóttir | Magga, heitmey Sigurðar Rúnarssonar |
| Helga Bergmann | Fjórða eiginkona Jósteins Guðbrandssonar |
| Hrafn Ragnarsson | Ferðalangur og sörfugl |
| Hulda Guðnadóttir | Hress pía í Þórsmörk |
| Ingólfur Örn Birgisson | Herlöf, léttlyndur glaumgosi. |
| Jón Eiríksson | Sigurður Runólfsson, unnusti Möggu |
| Karl Oluf Bang | Guðmundur, eiginmaður Sillu |
| Kolbrún Dögg Kristjánsdóttir | Túlkur og hress ölvuð pía |
| Kristinn Guðmundsson | Danskur kynnir og rúðubílstjóri |
| María Kristjánsdóttir | Frú Aðalheiður og spói |
| Oddný Óttarsdóttir | Hvíslari |
| Ómar Bragi Walderhaug | Jósteinn Guðbrandsson og geirfugl |
| Sara Marteinsdóttir | Stella, gljápíka í Þórsmörk |
| Sigríður Geirsdóttir | Lauslát stúlka í læknum |
| Sigurður Björnsson | Hæna í gömlu perutré |
| Valerie Harris | Pétur og dóttir Jósteins af öðru hjónabandi |
Þakkir:
Halaleikhópurinn þakkar öllum, sem lagt hafa honum lið við að koma upp þessarri sýningu.
Einkum viljum við þakka: Hótel Sögu fyrir lán á ljósabúnaði og Grensásbakarí fyrir kökur og hlýjan hug.
Um sýninguna af vef mbl.is sjá HÉR