Eftir Friedrich Karl Waechter
Í þýðingu Gísla Rúnars Jónssonar
Frumsýnt 17. apríl 1999
Sýning Halaleikhópsins á Trúðaskólanum var flutt í útfærslu enska leikhúsmannsins Ken Cambell á þessu vinsæla barnaleikriti. Campbell fæddist í Ilford á Englandi árið 1941 og er leikari að mennt. Hann hefur starfað jöfnum höndum sem leikari, leikstjóri og höfundur. Einleikir hans hafa vakið mikla athygli, James Vu heitir einn þeirra sem fékk m.a. Evening Standard verðlaunin fyrir gamanleik og hlaut tvær tilnefningar til Olivier-verðlaunanna. Nýjasti einleikur hans er Violin Time, sem notið hefur mikilla vinsælda. Barnaleikrit Campbells eru m.a. Old King Cole, Skungpoomery, Peef and Frank ’n’ Stein og Trúðar í skólaferð.
Íslenska þýðingu á Trúðaskólanum gerði Gísli Rúnar Jónsson.
Um höfundinn
Höfundur Trúðaskólans er Friedrich Karl Waechter, fæddur árið 1937 og hefur að mestu alið manninn í Frankfurt. Hann er teiknari að mennt, sérgrein hans eru skopmyndir og teiknimyndasögur. Waechter hefur verið afkastamikill í leikhúsinu og hefur samið mörg vinsæl barnaleikrit. Einnig hefur hann samið leikverk upp úr sígildum ævintýrum og árið 1983 fékk hann Grimmsbræðra-verðlaunin fyrir sagnagleði sína. Waechter hefur haft náið samstarf við Ken Campbell, sem þýddi og útfærði Trúðaskólann á ensku, því Campbell samdi annað verk um sömu trúða, Trúðar í skólaferð, og þýddi Waechter leikinn á þýsku í eigin útfærslu sem hefur verið flutt víðsvegar í heiminum.
Persónur og leikendur
Árni Salómonsson
Aðrir sem koma að sýningunni
Jón Eiríksson
Jón Stefánsson
Helga S. Harðardóttir
Guðný B. Harðardóttir
Um leikstjórann
Leikstjóri Trúðaskólans, Elfar Logi Hannesson, fæddist á Bíldudal árið 1971. Þar komst hann fyrst í kynni við leiklistina með Leikfélaginu Baldri og eftir það kom lítið annað til greina. Árið 1995 fór hann í víking til Danmerkur og nam þar leiklist í The Comedia School í Kaupmannahöfn. Að námi loknu hefur hann komið víða við, var m.a. kynnir Morgunsjónvarps barnanna, lék í Einstakri uppgötvun hjá Möguleikhúsinu og í gamanleiknum Kómedía ópus eitt. Hann hefur einnig leikstýrt fjölda verkefna og haldið námskeið í trúðalist og leiklist.
Guðbjörg Björnsdóttir og María Geirsdóttir útbúa trúðahatta